ﻗﻠﺖِ ﺗﻨﺨﻮﺍﮦ ﮐﺎ ﻗﮩﺮ ﺍﻭﺭ ﻣﺪﺍﺭﺱ ﺳﮯ ﺑﺪﮐﺘﮯ ﻓﻀﻼ

*ﻗﻠﺖِ ﺗﻨﺨﻮﺍﮦ ﮐﺎ ﻗﮩﺮ ﺍﻭﺭ ﻣﺪﺍﺭﺱ ﺳﮯ ﺑﺪﮐﺘﮯ ﻓﻀﻼ*

ﻓﻀﯿﻞ ﺍﺣﻤﺪ ﻧﺎﺻﺮﯼ

*ﺍﯾﮏ ﺷﺎﮔﺮﺩ ﺳﮯ ﻣﻼﻗﺎﺕ*

ﮔﺰﺷﺘﮧ ﺩﻧﻮﮞ ﻣﻤﺒﺌﯽ ﻣﯿﮟ ﺍﭘﻨﮯ ﺍﯾﮏ ﺷﺎﮔﺮﺩ ﺳﮯ ﻣﻼﻗﺎﺕ ﮨﻮﺋﯽ، ﯾﮧ ﻣﻮﻟﻮﯼ ﻓﺮﻗﺎﻥ ﺗﮭﮯ، ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﮐﮯ ﻓﺎﺿﻞ ﺍﻭﺭ ﻣﺮﮐﺰﺍﻟﻤﻌﺎﺭﻑ ﻣﻤﺒﺌﯽ ﺳﮯ ﺳﻨﺪ ﯾﺎﻓﺘﮧ - ﯾﮧ ﺩﺍﺭﺍﻟﻌﻠﻮﻡ ﻋﺰﯾﺰﯾﮧ ﻣﯿﺮﺍ ﺭﻭﮈ ﻣﯿﮟ ﻣﯿﺮﮮ ﭘﺎﺱ ﻣﺘﻌﺪﺩ ﮐﺘﺎﺑﯿﮟ ﭘﮍﮪ ﭼﮑﮯ ﺗﮭﮯ، ﻣﯿﮟ ﮐﺒﮭﯽ ﮐﺒﮭﯽ " ﮔﻠﺰﺍﺭِ ﺩﺑﺴﺘﺎﮞ " ﮐﺎ ﺟﻤﻠﮧ " ﻣﻼّ ﻓﺮﻗﺎﻥ ﺧﻮﺩ ﺭﺍ ﺧﺮﺍﺏ ﮐﺮﺩ " ﺍﻥ ﭘﺮ ﭼﺴﭙﺎﮞ ﮐﺮﺗﺎ، ﺗﻮ ﻣﺴﮑﺮﺍﺗﮯ ﺍﻭﺭ ﻣﺰﮦ ﻟﯿﺘﮯ - ﺳﮑﮍﺍ ﮨﻮﺍ ﭼﮩﺮﮦ، ﭼﮭﻮﺍﺭﮮ ﺳﺎ ﺑﺪﻥ، ﺩﺍﮌﮬﯽ ﮐﮯ ﻋﻨﻮﺍﻥ ﺳﮯ ﭼﻨﺪ ﺑﺎﻝ ﭨﮭﻮﮌﯼ ﺳﮯ ﻟﭩﮑﮯ ﮨﻮﮮ - ﭘﮩﻠﮯ ﮐﯽ ﻃﺮﺡ ﺍﺏ ﺑﮭﯽ ﭼﮭﻮﺋﯽ ﻣﻮﺋﯽ ﮨﯽ ﺗﮭﮯ، ﻣﺠﮭﮯ ﺩﯾﮑﮫ ﮐﺮ ﮐﮭﻞ ﺍﭨﮭﮯ، ﺁﺅ ﺑﮭﮕﺖ ﺍﻭﺭ ﺳﻼﻡ ﻭ ﻧﯿﺎﺯ - ﺍﯾﮏ ﻋﺮﺻﮯ ﮐﮯ ﺑﻌﺪ ﺍﻧﮩﯿﮟ ﺩﯾﮑﮭﺎ ﺗﻮ ﻣﯿﺮﯼ ﺧﻮﺷﯽ ﮐﺎ ﺑﮭﯽ ﮐﻮﺋﯽ ﭨﮭﮑﺎﻧﮧ ﻧﮧ ﺗﮭﺎ، ﻋﻠﯿﮏ ﺳﻠﯿﮏ ﮐﮯ ﺑﻌﺪ ﺣﺎﻝ ﺍﺣﻮﺍﻝ ﮐﺎ ﺗﺒﺎﺩﻟﮧ ﮨﻮﺍ ﺗﻮ ﭘﺘﮧ ﭼﻼ ﮐﮧ ﻣﻤﺒﺌﯽ ﮐﯽ ﮐﺴﯽ ﺍﯾﻤﺒﯿﺴﯽ ﻣﯿﮟ ﻣﺘﺮﺟﻢ ﮐﺎ ﮐﺎﻡ ﮐﺮ ﺭﮨﮯ ﮨﯿﮟ - ﻣﯿﮟ ﻧﮯ ﺗﻨﺨﻮﺍﮦ ﻣﻌﻠﻮﻡ ﮐﯽ ﺗﻮ ﺍﻧﮩﻮﮞ ﻧﮯ ﺑﺘﺎﯾﺎ : ﺗﯿﺲ ﮨﺰﺍﺭ ﺭﻭﭘﮯ - ﻣﺠﮭﮯ ﺑﮍﯼ ﻣﺴﺮﺕ ﮨﻮﺋﯽ، ﺍﮐﮩﺮﮮ ﺟﺴﻢ ﺍﻭﺭ ﺑﮯ ﮔﻮﺷﺖ ﭼﮩﺮﮮ ﮐﮯ ﺑﺎﻭﺟﻮﺩ ﺍﻃﻤﯿﻨﺎﻥ ﮐﯽ ﭼﻤﮏ ﺍﻥ ﮐﯽ ﭘﯿﺸﺎﻧﯽ ﭘﺮ ﻧﻤﺎﯾﺎﮞ ﺗﮭﯽ - ﻣﯿﮟ ﻧﮯ ﭘﻮﭼﮭﺎ ﮐﮧ ﺑﯿﭩﮯ ! ﺗﻢ ﺗﻮ ﺍﭼﮭﯽ ﺻﻼﺣﯿﺖ ﮐﮯ ﻣﺎﻟﮏ ﺗﮭﮯ، ﮐﺘﺐ ﻓﮩﻤﯽ ﺗﻤﮩﺎﺭﯼ ﻣﺜﺎﻟﯽ ﺗﮭﯽ، ﺣﺎﺿﺮ ﺑﺎﺷﯽ ﻣﯿﮟ ﺑﮭﯽ ﺍﺳﺎﺗﺬﮦ ﻣﯿﮟ ﺗﻤﮩﺎﺭﮮ ﭼﺮﭼﮯ ﺗﮭﮯ، ﺍﺗﻨﯽ ﺍﭼﮭﯽ ﺍﺳﺘﻌﺪﺍﺩ ﺍﻭﺭ ﺧﺪﻣﺖ ﺍﯾﻤﺒﯿﺴﯽ ﻣﯿﮟ؟
ﮐﮩﻨﮯ ﻟﮕﺎ : ﻣﺪﺍﺭﺱِ ﺍﺳﻼﻣﯿﮧ ﻣﯿﮟ ﮨﻤﺎﺭﮮ ﻟﯿﮯ ﮔﻨﺠﺎﺋﺶ ﮨﯽ ﮐﮩﺎﮞ ﮨﯿﮟ؟ ﺧﺪﻣﺎﺕ ﺯﯾﺎﺩﮦ، ﻣﮕﺮ ﺗﻨﺨﻮﺍﮦ ﺍﺱ ﻗﺪﺭ ﮐﻢ ﮐﮧ ﮨﻢ ﺟﯿﺴﮯ ﻏﺮﯾﺒﻮﮞ ﮐﺎ ﮔﺰﺭ ﺑﺴﺮ ﮨﯽ ﻣﻤﮑﻦ ﻧﮩﯿﮟ - ﻣﺠﮭﮯ ﺳﻤﺠﮫ ﺳﮯ ﭘﺮﮮ ﮨﮯ ﮐﮧ ﻣﺪﺍﺭﺱ ﻭﺍﻟﮯ ﺗﻨﺨﻮﺍﮨﯿﮟ ﮐﯿﻮﮞ ﻧﮩﯿﮟ ﺑﮍﮬﺎﺗﮯ؟ ﺍﺑﮭﯽ ﺗﮏ ﻭﮨﯽ ﻓﺮﺳﻮﺩﮦ ﻓﮑﺮ ﺍﻭﺭ ﻭﮨﯽ ﭘﭩﺎ ﭘﭩﺎﯾﺎ ﻧﻈﺎﻡ - ﺍﺏ ﺗﻮ ﮨﺮ ﭼﯿﺰ ﺑﺪﻝ ﮔﺌﯽ، ﻣﺪﺍﺭﺱ ﮐﺎ ﺯﺍﻭﯾۂ ﻓﮑﺮ ﺑﮭﯽ ﺗﺒﺪﯾﻞ ﮨﻮﻧﺎ ﭼﺎﮨﯿﮯ -
ﺍﺭﺑﺎﺏِ ﻣﺪﺍﺭﺱ ﮐﯽ ﺩﯾﮑﮭﺎ ﺩﯾﮑﮭﯽ ﻣﺴﺎﺟﺪ ﻧﮯ ﺑﮭﯽ ﺍﭘﻨﺎ ﻗﺒﻠﮧ ﺍﺏ ﺗﮏ ﺩﺭﺳﺖ ﻧﮩﯿﮟ ﮐﯿﺎ، ﻭﮨﯽ ﭘﺮﺍﻧﯽ ﺭﻭﺵ ﺍﻭﺭ ﻭﮨﯽ ﮐﺞ ﺍﺩﺍﺋﯿﺎﮞ - ﺗﻨﺨﻮﺍﮨﯿﮟ ﺑﮯ ﺣﺪ ﻗﻠﯿﻞ، ﺍﺋﻤﮧ ﮐﺎ ﺍﮐﺮﺍﻡ ﻧﺪﺍﺭﺩ - ﺁﺯﺍﺭ، ﺟﮭﮍﮐﯿﺎﮞ ﺍﻭﺭ ﻗﯿﺪ ﻭ ﺑﻨﺪ ﺍﻥ ﮐﺎ ﻣﻘﺪﺭ - ﻣﺴﺠﺪﯾﮟ ﺑﮍﯼ ﺧﻮﺏ ﺻﻮﺭﺕ، ﺗﺎﺝ ﻣﺤﻞ ﮐﻮ ﭨﮑﺮ ﺩﯾﺘﯽ ﮨﻮﺋﯽ، ﺣﺴﻦ ﻭ ﺩﻝ ﮐﺸﯽ ﻣﯿﮟ ﻻﺯﻭﺍﻝ، ﻣﮕﺮ ﺍﺋﻤﮧ ﮐﯽ ﯾﺎﻓﺖ ﻭﮨﯽ ﻣﺨﺘﺼﺮ، ﺍﻭﻧﭧ ﮐﮯ ﻣﻨﮧ ﻣﯿﮟ ﺯﯾﺮﮮ ﺟﯿﺴﯽ - ﺑﮯ ﭼﺎﺭﮮ ﺍﺋﻤﮧ ﺍﭘﻨﯽ ﻋﻠﻤﯿﺖ ﺑﮭﯽ ﺿﺎﺋﻊ ﮐﺮﯾﮟ، ﺗﻘﺮﯾﺮﯾﮟ ﺑﮭﯽ ﭨﺮﺳﭩﯿﻮﮞ ﮐﮯ ﻣﻄﺎﺑﻖ ﮨﻮﮞ، ﺯﻧﺪﺍﻧﯽ ﮐﯿﻔﯿﺖ ﻣﯿﮟ ﺷﺐ ﻭﺭﻭﺯ ﺑﮭﯽ ﮔﺰﺍﺭﯾﮟ، ﻣﻌﺎﺷﯽ ﺑﮩﺘﺮﯼ ﮐﮯ ﻟﯿﮯ ﺩﻭﺳﺮﯼ ﺭﺍﮨﯿﮟ ﺑﮭﯽ ﻣﺴﺪﻭﺩ، ﺑﺎﯾﮟ ﮨﻤﮧ ﺗﻨﺨﻮﺍﮦ ﮐﺎ ﻭﮦ ﻣﻌﯿﺎﺭ ﮐﮧ :

ﺁﮐﮯ ﺑﯿﭩﮭﮯ ﺑﮭﯽ ﻧﮧ ﺗﮭﮯ ﺍﻭﺭ ﻧﮑﺎﻟﮯ ﺑﮭﯽ ﮔﺌﮯ

ﮐﯽ ﻣﺼﺪﺍﻕ - ﺑﮭﻼ ﺑﺘﺎﺋﯿﮯ، ﺍﯾﺴﮯ ﻣﯿﮟ ﺍﻣﺎﻣﺖ ﮐﯽ ﮨﻤﺖ ﮐﻮﻥ ﮐﺮﮮ ﺍﻭﺭ ﺟﺮﺃﺕِ ﺭﻧﺪﺍﻧﮧ ﮐﮩﺎﮞ ﺳﮯ ﻻﮮ؟

ﻣﯿﮟ ﺍﭘﻨﮯ ﻋﺰﯾﺰ ﮐﯽ ﺍﺱ ﺗﻘﺮﯾﺮ ﭘﺮ ﺩﻧﮓ ﺗﮭﺎ، ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺗﻢ ﺗﻮ ﺟﺎﻧﺘﮯ ﮨﯽ ﮨﻮ ﮐﮧ ﺩﻧﯿﺎ ﮐﻮ ﻣﺆﻣﻦ ﮐﺎ " ﻗﯿﺪﺧﺎﻧﮧ " ﮐﮩﺎ ﮔﯿﺎ ﮨﮯ، ﺑﻌﺾ ﺍﺣﺎﺩﯾﺚ ﻣﯿﮟ ﺍﺱ ﭘﺮ " ﻣﺴﺎﻓﺮ ﺧﺎﻧﮯ " ﮐﺎ ﺑﮭﯽ ﺍﻃﻼﻕ ﮨﻮﺍ ﮨﮯ، ﻗﯿﺪ ﺧﺎﻧﮧ ﮨﻮ ﯾﺎ ﻣﺴﺎﻓﺮ ﺧﺎﻧﮧ، ﺩﻝ ﻟﮕﺎﻧﮯ ﮐﯽ ﺟﮕﮧ ﻧﮧ ﯾﮧ ﮨﮯ، ﻧﮧ ﻭﮦ - ﺍﻣﺖِ ﻣﺴﻠﻤﮧ " ﺍﻣﺖِ ﻣﺠﺎﮬﺪﮦ " ﺑﮭﯽ ﮨﮯ، ﻣﺪﺍﺭﺱِ ﺍﺳﻼﻣﯿﮧ ﺍﻭﺭ ﻣﺴﺎﺟﺪ ﺍﺳﺎﺗﺬﮦ ﺍﻭﺭ ﺍﺋﻤﮧ ﮐﻮ ﯾﮩﯽ ﻣﺠﺎﮬﺪﮮ ﺳﮑﮭﺎﺗﮯ ﮨﯿﮟ، ﻗﻠﯿﻞ ﺗﻨﺨﻮﺍﮨﻮﮞ ﮐﮯ ﭘﯿﭽﮭﮯ ﺍﻥ ﮐﺎ ﯾﮩﯽ ﻧﻘﻄۂ ﻧﻈﺮ ﮐﺎﺭ ﻓﺮﻣﺎ ﮨﮯ، ﻋﮩﺪِ ﻧﺒﻮﯼ ﺳﮯ ﻟﮯ ﮐﺮ ﻗﺮﯾﺐ ﮐﮯ ﻣﺎﺿﺊ ﻣﺮﺣﻮﻡ ﺗﮏ ﮐﮯ ﺍﮐﺎﺑﺮ ﻣﺤﺾ ﺍﺷﺎﻋﺖِ ﺍﺳﻼﻡ ﮐﮯ ﻟﯿﮯ ﺩﯾﻨﯽ ﺍﺩﺍﺭﻭﮞ ﺳﮯ ﻭﺍﺑﺴﺘﮧ ﺭﮨﮯ، ﺩﻧﯿﺎ ﺍﻥ ﮐﮯ ﭘﯿﭽﮭﮯ ﻧﺎﮎ ﺭﮔﮍﺗﯽ ﮨﻮﺋﯽ ﺁﺋﯽ، ﻣﮕﺮ ﺍﻧﮩﻮﮞ ﻧﮯ ﺍﺱ ﮐﯽ ﻃﺮﻑ ﺁﻧﮑﮫ ﺍﭨﮭﺎ ﮐﺮ ﻧﮩﯿﮟ ﺩﯾﮑﮭﺎ، ﻟﮩﺬﺍ ﻗﻠﺖِ ﺗﻨﺨﻮﺍﮦ ﮐﺎ ﻋﺬﺭ " ﻋﺬﺭِ ﻟﻨﮓ " ﺳﮯ ﺯﯾﺎﺩﮦ ﮐﻮﺋﯽ ﺣﯿﺜﯿﺖ ﻧﮩﯿﮟ ﺭﮐﮭﺘﺎ -

ﮐﮩﻨﮯ ﻟﮕﺎ : ﺍﺏ ﺗﻮ ﺳﺐ ﮐﭽﮫ ﺑﺪﻝ ﭼﮑﺎ، ﻣﺎﺿﯽ ﮐﯽ ﺯﻣﯿﻦ ﺍﻭﺭ ﮐﻞ ﮐﺎ ﺁﺳﻤﺎﻥ ﺍﭘﻨﺎ ﻭﺟﻮﺩ ﮐﮭﻮ ﺑﯿﭩﮭﺎ ﮨﮯ، ﺗﺒﺪﯾﻠﯽ ﮐﯽ ﻟﮩﺮ ﻧﮯ ﺟﻦ ﺟﮩﺎﻧﻮﮞ ﮐﻮ ﺯﯾﺮ ﻭ ﺯﺑﺮ ﮐﯿﺎ ﮨﮯ، ﻣﺪﺍﺭﺱ ﺑﮭﯽ ﺍﺱ ﺳﮯ ﺍﭼﮭﻮﺗﮯ ﻧﮩﯿﮟ ﺭﮨﮯ، ﻣﺜﻼً ﺩﯾﮑﮭﯿﮯ ! ﭘﭽﮭﮯ ﺍﺩﻭﺍﺭ ﻣﯿﮟ ﻃﻠﺒﮧ ﮐﯽ ﭘﭩﺎﺋﯽ ﮐﺎ ﺑﮍﺍ ﻣﺎﺣﻮﻝ ﺗﮭﺎ، ﺍﺳﺎﺗﺬﮦ ﮨﺮ ﻭﻗﺖ ﻋﺼﺎ ﺑﺪﺳﺖ ﺍﻭﺭ " ﮐﻒ ﺩﺭ ﻓﻀﺎ " ﺭﮨﺘﮯ، ﺗﻨﺒﯿﮧ ﮐﮯ ﻟﯿﮯ ﺩﺳﺖ ﻭ ﻋﺼﺎ ﮐﺎ ﺍﺳﺘﻌﻤﺎﻝ ﺍﯾﮏ ﻋﺎﻡ ﺳﯽ ﺑﺎﺕ ﺗﮭﯽ، ﻭﺍﻟﺪﯾﻦ ﮐﺎ ﺫﮨﻦ ﺑﮭﯽ ﯾﮩﯽ ﺗﮭﺎ ﮐﮧ ﺗﮩﺪﯾﺪ ﻭ ﺿﺮﺑﺖ ﻃﻠﺒﮧ ﮐﯽ ﺍﺳﺘﻌﺪﺍﺩ ﮐﻮ ﺟﮕﺎﺗﯽ ﺍﻭﺭ ﻓﻨﮑﺎﺭﯼ ﮐﻮ ﺍﺑﮭﺎﺭﺗﯽ ﮨﮯ، ﺍﺳﯽ ﻟﯿﮯ ﺩﺍﺧﻠﮯ ﮐﮯ ﻭﻗﺖ ﺑﭽﻮﮞ ﮐﮯ ﺫﻣﮯ ﺩﺍﺭ ﮐﮩﺘﮯ ﮐﮧ ﮨﮉﯼ ﮨﻤﺎﺭﯼ ﮨﮯ ﺍﻭﺭ ﮐﮭﺎﻝ ﺁﭖ ﮐﯽ - ﻟﯿﮑﻦ ﺍﺏ ﻣﺎﺭ ﺩﮬﺎﮌ ﺑﺎﻟﮑﻞ ﺑﻨﺪ ﮨﮯ، ﻃﻠﺒﮧ ﺟﺴﻤﺎﻧﯽ ﺁﺯﺍﺭ ﺳﮯ ﻣﮑﻤﻞ ﻣﺤﻔﻮﻅ ﮨﯿﮟ، ﺍﺳﺎﺗﺬﮦ ﮐﻮ ﺳﺨﺖ ﺗﺎﮐﯿﺪ ﮨﮯ ﮐﮧ ﺣﺮﺏ ﻭ ﺿﺮﺏ ﻧﮩﯿﮟ ﭼﻠﮯ ﮔﯽ، ﮔﻮﺵِ ﺷﻨﻮﺍ ﻧﮧ ﺭﮐﮭﻨﮯ ﻭﺍﻟﮯ ﻣﺪﺭّﺳﯿﻦ ﮐﻮ ﻓﻮﺭﺍً ﺳﮯ ﭘﯿﺶ ﺗﺮ " ﺑﺎﺏ ﺍﻟﺨﺮﻭﺝ " ﺗﮏ ﺩﮐﮭﺎ ﺩﯾﺎ ﺟﺎﺗﺎ ﮨﮯ - ﺩﻭﺳﺮﯼ ﻣﺜﺎﻝ ﺑﮭﯽ ﻟﮯ ﻟﯿﺠﯿﮯ ! ﭘﭽﮭﻠﮯ ﺯﻣﺎﻧﮯ ﻣﯿﮟ ﻃﻠﺒﮧ ﮐﯽ ﺻﻼﺣﯿﺖ ﺳﺎﺯﯼ ﮐﮯ ﻟﯿﮯ ﻣﺨﺘﻠﻒ ﻋﻠﻮﻡ ﻭ ﻓﻨﻮﻥ ﮐﯽ ﺍﮨﻢ ﮐﺘﺎﺑﯿﮟ ﭘﮍﮬﺎﺋﯽ ﺟﺎﺗﯽ ﺗﮭﯿﮟ، ﺍﺏ ﻭﮦ ﮐﺘﺎﺑﯿﮟ " ﻃﺎﻕِ ﻧﺴﯿﺎﮞ " ﮐﯽ ﯾﺎﺩﮔﺎﺭ ﺑﻦ ﭼﮑﯽ ﮨﯿﮟ، ﺍﻥ ﮐﺘﺎﺑﻮﮞ ﮐﮯ ﺍﺧﺮﺍﺝ ﮐﯽ ﻭﺟﮧ ﯾﮩﯽ ﺑﯿﺎﻥ ﮐﯽ ﮔﺌﯽ ﮐﮧ ﻃﻠﺒﮧ ﮐﯽ ﺑﺮﻕ ﻃﺒﻌﯽ ﭘﮩﻠﮯ ﺟﯿﺴﯽ ﻧﮩﯿﮟ ﺭﮨﯽ، ﯾﮧ ﮐﻤﺰﻭﺭ ﮨﻮ ﮔﺌﮯ ﮨﯿﮟ، ﺍﺳﺎﺗﺬﮦ ﺑﮭﯽ ﻋﺪﻡِ ﻣﮩﺎﺭﺕ ﮐﮯ ﺳﺒﺐ ﺍﻥ ﮐﺘﺎﺑﻮﮞ ﮐﯽ ﺗﺪﺭﯾﺲ ﮐﯽ ﺍﮨﻠﯿﺖ ﮐﮭﻮ ﺑﯿﭩﮭﮯ - ﺁﺝ ﺻﺪﺭﺍ ﺍﻭﺭ ﺷﻤﺲ ﺑﺎﺯﻏﮧ ﮐﺎ ﻧﺎﻡ ﮐﺘﻨﻮﮞ ﮐﻮ ﻣﻌﻠﻮﻡ ﮨﮯ؟ ﺍﮔﺮ ﻣﻌﻠﻮﻡ ﺑﮭﯽ ﮨﻮ ﺗﻮ ﺍﻥ ﮐﯽ ﻓﻨﯽ ﻭﺍﺑﺴﺘﮕﯽ ﮐﻮﻥ ﺑﺘﺎ ﺳﮑﺘﺎ ﮨﮯ؟ ﺟﺐ ﺍﺗﻨﯽ ﺗﺒﺪﯾﻠﯿﺎﮞ ﻧﺼﺎﺏِ ﺗﻌﻠﯿﻢ ﻭﻏﯿﺮﮦ ﻣﯿﮟ ﻭﺍﻗﻊ ﮨﻮ ﮔﺌﯿﮟ ﺍﻭﺭ ﺍﺳﺎﺗﺬﮦ ﻭ ﻃﻠﺒﮧ ﮐﻮ ﻣﺠﺎﮬﺪﮮ ﺳﮯ ﺑﭽﺎ ﻟﯿﺎ ﮔﯿﺎ ﺗﻮ ﺗﻨﺨﻮﺍﮦ ﺑﮯ ﭼﺎﺭﯼ ﻧﮯ ﮐﯿﺎ ﻗﺼﻮﺭ ﮐﯿﺎ ﮨﮯ ﮐﮧ ﯾﮧ " ﺑَﻮﻧﯽ " ﺑﮍﮬﺘﯽ ﮨﯽ ﻧﮩﯿﮟ، ﺍﺱ ﮐﺎ ﻧﺼﺎﺏ ﺁﺳﺎﻧﯿﺎﮞ ﭘﯿﺪﺍ ﮐﺮﻧﮯ ﺳﮯ ﺁﺝ ﺑﮭﯽ ﻗﺎﺻﺮ ﮨﮯ، ﺍﺏ ﺑﮭﯽ ﭼﺎﺭ ﮨﺰﺍﺭ، ﭘﺎﻧﭻ ﮨﺰﺍﺭ ﺍﻭﺭ ﭼﮫ ﮨﺰﺍﺭ ﺭﻭﭘﮯ ﮐﻮ " ﻣﻌﻘﻮﻝ ﺗﻨﺨﻮﺍﮦ " ﻧﺎﻡ ﺯﺩ ﮐﯿﺎ ﺟﺎ ﺭﮨﺎ ﮨﮯ، ﯾﮧ ﮐﮩﺎﮞ ﮐﺎ

ﺍﻧﺼﺎﻑ ﮨﮯ؟
ﺳﻠﺴﻠۂ ﮐﻼﻡ ﻣﯿﮟ ﺍﻧﮩﻮﮞ ﻧﮯ ﯾﮧ ﺑﮭﯽ ﮐﮩﺎ ﮐﮧ ﺗﻨﺨﻮﺍﮦ ﮐﮯ ﺗﺌﯿﮟ ﻣﺪﺍﺭﺱ ﺍﻭﺭ ﻣﺴﺎﺟﺪ ﮐﮯ ﻗﺪﺍﻣﺖ ﭘﺴﻨﺪﺍﻧﮧ ﺭﺟﺤﺎﻥ ﻧﮯ ﻧﻮﺟﻮﺍﻥ ﻓﻀﻼ ﮐﻮ ﭘﺮﯾﺸﺎﻥ ﮐﺮ ﺭﮐﮭﺎ ﮨﮯ، ﮐﻢ ﺯﻭﺭ ﺍﻭﺭ ﻣﺘﻮﺳﻂ ﺍﺳﺘﻌﺪﺍﺩ ﮐﮯ ﺣﺎﻣﻠﯿﻦ ﻧﺎﻥِ ﺷﻌﯿﺮ ﭘﺮ ﮨﯽ ﻗﻨﺎﻋﺖ ﮐﺮ ﻟﯿﺘﮯ ﮨﯿﮟ، ﮐﯿﻮﮞ ﮐﮧ ﺍﻥ ﮐﺎ ﺩﺍﺋﺮۂ ﻓﮑﺮ ﻭ ﻋﻤﻞ ﺁﮔﮯ ﺑﮍﮬﻨﮯ ﻧﮩﯿﮟ ﺩﯾﺘﺎ، ﻭﮦ ﺍﭘﻨﯽ ﺑﮯ ﻣﺎﺋﯿﮕﯽ، ﮔﮭﺮﯾﻠﻮ ﭘﺮﯾﺸﺎﻧﯽ، ﺗﻨﮓ ﺩﺳﺖ ﭘﺲ ﻣﻨﻈﺮ ﺍﻭﺭ ﻧﺎﮔﻔﺘﮧ ﺑﮧ ﺍﻓﻼﺱ ﮐﮯ ﺁﮔﮯ ﮨﺘﮭﯿﺎﺭ ﮈﺍﻝ ﺩﯾﺘﮯ ﮨﯿﮟ، ﺍﻥ ﮐﮯ ﭘﺎﺱ ﻗﻨﺎﻋﺖ ﭘﺴﻨﺪﯼ ﮐﮯ ﻋﻼﻭﮦ ﮐﻮﺋﯽ ﭼﺎﺭﮦ ﻧﮩﯿﮟ ﺭﮨﺘﺎ، ﺟﺐ ﮐﮧ ﺑﺎﺻﻼﺣﯿﺖ ﻓﻀﻼ ﺍﻥ ﻣﻘﺎﻣﺎﺕ ﮐﯽ ﺧﺪﻣﺖ ﺳﮯ ﮔﺮﯾﺰﺍﮞ ﺭﮨﺘﮯ ﮨﯿﮟ ﺍﻭﺭ ﮐﺜﯿﺮﺍﻟﻤﺸﺎﮨﺮﮦ ﺍﺩﺍﺭﮮ ﮐﯽ ﻃﺮﻑ ﺭﺟﻮﻉ ﺍﻥ ﮐﺎ ﮨﺪﻑ ﮨﻮﺗﺎ ﮨﮯ - ﺑﺎﺗﻮﮞ ﮐﺎ ﺳﻠﺴﻠﮧ ﯾﮩﯿﮟ ﺗﮏ ﭼﻼ ﺗﮭﺎ ﮐﮧ ﮨﻤﺎﺭﮮ ﺭﺍﺳﺘﮯ ﺟﺪﺍ ﮨﻮﮔﺌﮯ، ﺳﻼﻡِ ﻭﺩﺍﻉ ﮐﮯ ﺑﻌﺪ ﻭﮦ ﺍﭘﻨﯽ ﻣﻨﺰﻝ ﮐﯽ ﺟﺎﻧﺐ، ﻣﯿﮟ ﺍﭘﻨﮯ ﻣﺴﺘﻘﺮ ﮐﯽ ﻃﺮﻑ -

ﺍﭘﻨﯽ ﻣﻨﺰﻝ ﮐﯽ ﻃﺮﻑ ﻣﯿﮟ ﺟﻮﮞ ﺟﻮﮞ ﺑﮍﮪ ﺭﮨﺎ ﺗﮭﺎ، ﻋﺰﯾﺰ ﻣﮑﺮﻡ ﮐﮯ ﺧﯿﺎﻻﺕ ﺫﮨﻦ ﻣﯿﮟ ﮔﺮﺩﺵ ﮐﺮ ﺭﮨﮯ ﺗﮭﮯ، ﺩﯾﺮ ﺗﮏ ﻣﯿﮟ ﺍﺳﯽ ﺳﻮﭺ ﻣﯿﮟ ﻏﺮﻕ ﺭﮨﺎ ﮐﮧ ﻣﻤﺘﺎﺯ ﺻﻼﺣﯿﺘﯿﮟ ﺍﮔﺮ ﺍﺳﯽ ﻃﺮﺡ ﻣﺪﺍﺭﺱ ﺍﻭﺭ ﻣﺴﺎﺟﺪ ﺳﮯ ﺑﮭﺎﮔﺘﯽ ﺭﮨﯿﮟ ﺍﻭﺭ ﺍﻣﺖ ﮐﯽ ﻗﯿﺎﺩﺕ ﻣﻔﻘﻮﺩﺍﻻﺳﺘﻌﺪﺍﺩ ﻋﻠﻤﺎ ﮐﮯ ﺣﺼﮯ ﻣﯿﮟ ﺁﻧﮯ ﻟﮕﯽ ﺗﻮ ﺍﺱ ﻗﻮﻡ ﮐﺎ ﮐﯿﺎ ﮨﻮﮔﺎ؟
ﺩﯾﮑﮭﺎ ﯾﮧ ﮔﯿﺎ ﮨﮯ ﮐﮧ ﻣﻤﺘﺎﺯ ﺗﺮﯾﻦ ﻓﻀﻼﮮ ﻧﺪﻭﮦ ﺑﺎﻟﻌﻤﻮﻡ ﺧﻠﯿﺠﯽ ﻣﻤﺎﻟﮏ ﻣﯿﮟ ﺳﺮﮐﺎﺭﯼ ﻣﺤﻤﮑﻮﮞ ﮐﮯ ﮐﻠﺮﮎ ﮨﻮﺗﮯ ﮨﯿﮟ، ﺍﻥ ﮐﯽ ﯾﺎﻓﺖ ﺯﻭﺭﺩﺍﺭ ﺍﻭﺭ ﻣﺮﻓﮧ ﺍﻟﺤﺎﻟﯽ ﺍﭘﻨﮯ ﺟﻮﺑﻦ ﭘﺮ ﮨﻮﺗﯽ ﮨﮯ، ﺍﻗﺘﺼﺎﺩ ﮐﯽ ﯾﮧ ﮐﯿﻔﯿﺖ ﺍﻥ ﮐﮯ ﻟﯿﮯ ﮐﺘﻨﯽ ﮨﯽ ﭘﺮﮐﺸﺶ ﮐﯿﻮﮞ ﻧﮧ ﮨﻮ، ﻟﯿﮑﻦ ﻣﻔﮑﺮ ﺍﺳﻼﻡ ﺣﻀﺮﺕ ﻣﻮﻻﻧﺎ ﻋﻠﯽ ﻣﯿﺎﮞ ﻧﺪﻭﯼ ﺻﺎﺣﺐ ﺍﺱ ﺭﺟﺤﺎﻥ ﺳﮯ ﻧﺎﻻﮞ ﺭﮨﺘﮯ ﺍﻭﺭ ﻓﺮﻣﺎﺗﮯ ﮐﮧ ﻧﺪﻭﮦ ﻧﮯ ﺗﻌﻠﯿﻤﯽ ﺳﻠﺴﻠﮧ ﺣﮑﻮﻣﺘﯽ ﺍﺩﺍﺭﻭﮞ ﮐﻮ ﮐﻠﺮﮎ ﺩﯾﻨﮯ ﮐﮯ ﻟﯿﮯ ﺟﺎﺭﯼ ﻧﮩﯿﮟ ﮐﯿﺎ ﺗﮭﺎ، ﺍﺱ ﮐﺎ ﻣﻘﺼﺪ ﺩﻧﯿﺎ ﺑﮭﺮ ﻣﯿﮟ ﺍﺳﻼﻡ ﮐﯽ ﺍﺷﺎﻋﺖ ﮨﮯ، ﻓﻀﻼ ﮐﯽ ﻣﻮﺟﻮﺩﮦ ﺻﻮﺭﺕِ ﺣﺎﻝ ﻣﯿﺮﮮ ﻟﯿﮯ ﻣﺎﯾﻮﺱ ﮐﻦ ﮨﮯ - ﯾﮧ ﺑﺎﺕ ﺣﻀﺮﺕ ﻋﻠﯽ ﻧﺪﻭﯼ ﮐﯽ ﻓﻀﻼﮮ ﻧﺪﻭﮦ ﺳﮯ ﻣﺘﻌﻠﻖ ﮨﮯ، ﻣﮕﺮ ﺍﺱ ﺑﺎﺏ ﻣﯿﮟ ﻭﮦ ﺑﮭﯽ ﺗﻨﮩﺎ ﻧﮩﯿﮟ ﺭﮨﮯ، ﺗﺎﺯﮦ ﺗﺮﯾﻦ ﺣﻘﺎﺋﻖ ﯾﮧ ﮨﯿﮟ ﮐﮧ ﻓﻀﻼﮮ ﺩﺍﺭﺍﻟﻌﻠﻮﻡ ﺑﮭﯽ ﺣﮑﻮﻣﺘﯽ ﺍﺩﺍﺭﻭﮞ ﺳﮯ ﻣﺮﺑﻮﻁ ﺭﮨﻨﮯ ﻣﯿﮟ ﺍﭘﻨﯽ ﺳﻼﻣﺘﯽ ﺑﺎﻭﺭ ﮐﺮﺗﮯ ﮨﯿﮟ، ﻓﺮﺍﻏﺖ ﭘﺎﺗﮯ ﮨﯽ ﺫﯼ ﺍﺳﺘﻌﺪﺍﺩ ﻓﻀﻼ ﮐﺎ ﺭﺥ ﯾﻮﻧﯿﻮﺭﺳﭩﯿﻮﮞ ﮐﯽ ﺟﺎﻧﺐ ﮨﻮ ﺟﺎﺗﺎ ﮨﮯ، ﻗﺎﻝ ﺍﻟﻠﮧ ﺍﻭﺭ ﻗﺎﻝ ﺍﻟﺮﺳﻮﻝ ﮐﮯ ﺯﻣﺰﻣﻮﮞ ﺳﮯ ﺩﺍﺭﺍﻟﺤﺪﯾﺜﻮﮞ ﮐﻮ ﻣﻌﻤﻮﺭ ﮐﺮ ﺩﯾﻨﮯ ﻭﺍﻟﮯ ﻃﻠﺒﮧ ﻋﻠﻮﻡ ﻋﺼﺮﯾﮧ ﮐﯽ ﻃﺮﻑ ﺍﯾﺴﮯ ﻟﭙﮑﺘﮯ ﮨﯿﮟ ﮔﻮﯾﺎ ﺍﻥ ﮐﮯ ﺩﺍﻣﻦ ﺯﺭ ﻭ ﮔﻮﮨﺮ ﺳﮯ ﮨﻨﻮﺯ ﺧﺎﻟﯽ ﮨﻮﮞ -

ﯾﮧ ﺑﺘﺎﻧﮯ ﮐﯽ ﺿﺮﻭﺭﺕ ﻧﮩﯿﮟ ﮐﮧ ﻋﺼﺮﯼ ﺩﺍﻧﺶ ﮔﺎﮨﯿﮟ ﺧﻮﺑﯿﻮﮞ ﺳﻤﯿﺖ ﺍﭘﻨﮯ ﺳﺎﺗﮫ ﺑﮍﯼ ﺧﺮﺍﺑﯿﺎﮞ ﺑﮭﯽ ﻻﺗﯽ ﮨﯿﮟ، ﮈﺍﮐﭩﺮ ﺍﻗﺒﺎﻝ ﮐﺎ ﯾﮧ ﺷﻌﺮ ﺗﺎﺯﮦ ﮐﺮ ﻟﯿﺠﯿﮯ :

ﮔﮭﺮ ﻣﯿﮟ ﭘﺮﻭﯾﺰ ﮐﮯ ﺷﯿﺮﯾﮟ ﺗﻮ ﮨﻮﺋﯽ ﺟﻠﻮﮦ ﻧﻤﺎ
ﻟﮯ ﮐﮯ ﺁﺋﯽ ﮨﮯ ﻣﮕﺮ ﺗﯿﺸۂ ﻓﺮﮨﺎﺩ ﺑﮭﯽ ﺳﺎﺗﮫ

ﭼﻨﺎﮞ ﭼﮧ ﻣﺸﺎﮬﺪﮦ ﮨﮯ ﮐﮧ ﯾﻮﻧﯿﻮﺭﺳﭩﯿﻮﮞ ﻣﯿﮟ ﺩﺍﺧﻠﮧ ﮨﻮﺗﮯ ﮨﯽ ﺳﺐ ﺳﮯ ﭘﮩﻼ ﺣﻤﻠﮧ ﺍﻥ ﮐﮯ ﺣﻠﯿﮧ ﭘﺮ ﮨﯽ ﮨﻮﺗﺎ ﮨﮯ، ﻣﺸﺮﻗﯿﺖ ﺧﺘﻢ ﮨﻮ ﺟﺎﺗﯽ ﮨﮯ ﺍﻭﺭ ﻣﻐﺮﺑﯿﺖ ﺍﻥ ﮐﮯ ﺍﻧﮓ ﺍﻧﮓ ﺳﮯ ﻣﺘﺮﺷﺢ - ﺳﺘﻢ ﺑﺎﻻﮮ ﺳﺘﻢ ﯾﮧ ﮐﮧ ﻋﻠﻤﺎﮮ ﺍﺳﻼﻡ ﺍﻭﺭ ﺍﻥ ﮐﮯ ﻣﺮﺍﮐﺰ ﺍﻥ ﮐﯽ ﻧﮕﺎﮨﻮﮞ ﻣﯿﮟ ﻧﮩﯿﮟ ﺟﭽﺘﮯ ، ﺧﻮﺵ ﻋﯿﺸﯽ ﺍﻭﺭ ﺗﻦ ﺁﺳﺎﻧﯽ ﺍﻧﮩﯿﮟ ﺍﺳﻼﻡ ﺑﯿﺰﺍﺭ ﺑﻨﺎ ﺩﯾﺘﯽ ﮨﮯ - ﯾﮧ ﺩﯾﻨﯽ ﻋﻠﻮﻡ ﮐﯽ ﺑﮯ ﺗﻮﻗﯿﺮﯼ ﻧﮩﯿﮟ ﺗﻮ ﺍﻭﺭ ﮐﯿﺎ ﮨﮯ؟

*ﺑﻮﺭﮈ ﮐﮯ ﻣﺪﺍﺭﺱ ﻣﯿﮟ ﻋﻠﻤﺎ ﮐﯽ ﺑﮭﯿﮍ*

ﺳﺮﮐﺎﺭ ﺳﮯ ﻧﺎﻭﺍﺑﺴﺘﮧ ﺩﯾﻨﯽ ﺍﺩﺍﺭﻭﮞ ﻣﯿﮟ ﺗﻨﺨﻮﺍﮨﻮﮞ ﮐﯽ ﺧﺮﮔﻮﺵ ﺭﻭﯼ ﮐﺎ ﺍﯾﮏ ﻣﺬﻣﻮﻡ ﺍﺛﺮ ﯾﮧ ﺑﮭﯽ ﺩﯾﮑﮭﻨﮯ ﻣﯿﮟ ﺁﯾﺎ ﮨﮯ ﮐﮧ ﺑﻮﺭﮈ ﮐﮯ ﻣﺪﺍﺭﺱ ﭘﺮ ﻓﻀﻼﮮ ﻣﺪﺍﺭﺱ ﺩﯾﻮﺍﻧﮧ ﻭﺍﺭ ﮔﺮﻧﮯ ﻟﮕﮯ ﮨﯿﮟ، ﻗﺮﺽ ﻟﮯ ﻟﮯ ﮐﺮ ﺍﻭﺭ ﺑﮭﺎﺭﯼ ﺑﮭﺮﮐﻢ ﺭﺷﻮﺕ ﺩﮮ ﺩﮮ ﮐﺮ ﯾﮧ ﻟﻮﮒ ﺍﻥ ﺳﮯ ﻣﺮﺑﻮﻁ ﮨﻮ ﺭﮨﮯ ﮨﯿﮟ، ﺟﺎﮨﻞ ﺍﻭﺭ ﻏﯿﺮﻣﺴﺘﻨﺪ ﻓﻀﻼ ﺍﭘﻨﯽ ﻣﺜﺎﻟﯽ ﺭﺷﻮﺕ ﮐﮯ ﺑﻞ ﭘﺮ ﺑﮍﮮ ﺑﮍﮮ ﻋﮩﺪﻭﮞ ﭘﺮ ﺑﮭﯽ ﺑﺮﺍﺟﻤﺎﻥ ﮨﯿﮟ، ﺍﺳﺎﺗﺬۂ ﺣﮑﻮﻣﺖ ﮐﺎ ﺧﯿﺎﻝ ﮨﮯ ﮐﮧ ﯾﮩﺎﮞ ﮐﯽ ﺗﺪﺭﯾﺲ ﺳﻮﻧﮯ ﮐﺎ ﺍﻧﮉﺍ ﺩﯾﻨﮯ ﻭﺍﻟﯽ ﻣﺮﻏﯽ ﮨﮯ، ﮨﺮ ﻃﺮﺡ ﻣﻨﻔﻌﺖ ﺑﺨﺶ ، ﺍﺧﺮﺍﺝ ﮐﺎ ﺧﻮﻑ ﺩﻝ ﻣﯿﮟ ﻧﮩﯿﮟ ﺭﮨﺘﺎ، ﺗﻨﺨﻮﺍﮦ ﻣﻌﻘﻮﻝ ﺗﺮﯾﻦ ﺍﻭﺭ ﺩﻝ ﺧﻮﺍﮦ ﮨﻮﺗﯽ ﮨﮯ، ﺍﺱ ﮐﮯ ﺑﮍﮬﻨﮯ ﮐﯽ ﺭﻓﺘﺎﺭ ﺑﮭﯽ ﺑﺮﻕ ﺁﺳﺎ - ﯾﮩﺎﮞ ﺑﻼ ﻭﺟﮧ ﮐﯽ ﻣﺤﮑﻮﻣﯽ ﺑﮭﯽ ﻧﮩﯿﮟ، ﺣﺮﯾﻔﻮﮞ ﮐﺎ ﺩﺑﺎﺅ ﺑﮭﯽ ﻧﮩﯿﮟ، ﺍﻭﺭ ﺁﺯﺍﺩﯼ ﮐﯽ ﺁﺯﺍﺩﯼ ﺑﮭﯽ ﮨﮯ -

*ﻋﺰﻝ ﺗﻮ ﻣﮑﺮﻭﮦ ﮨﮯ*

ﺑﻮﺭﮈ ﮐﮯ ﺍﯾﮏ ﻣﺪﺭﺱ ﺳﮯ ﻣﯿﺮﯼ ﻣﻼﻗﺎﺕ ﮨﻮﺋﯽ، ﮐﮩﻨﮯ ﻟﮕﮯ : ﻣﻮﻻﻧﺎ ! ﺁﭖ ﺣﻀﺮﺍﺕ ﻣﺪﺭﺳﮧ ﺑﻮﺭﮈ ﮐﻮ ﻧﮕﺎﮦِ ﺣﻘﺎﺭﺕ ﺳﮯ ﺩﯾﮑﮭﺘﮯ ﮨﯿﮟ ﺍﻭﺭ ﮨﻤﺎﺭﯼ ﮐﻤﺎﺋﯽ ﮐﻮ ﻣﮑﺮﻭﮦ ﮔﺮﺩﺍﻧﺘﮯ ﮨﯿﮟ، ﺍﯾﺴﺎ ﮐﯿﻮﮞ؟ ﻣﯿﮟ ﻧﮯ ﮐﮩﺎ ﮐﮧ ﺑﻮﺭﮈ ﮐﮯ ﻣﺪﺍﺭﺱ ﻣﯿﮟ ﺗﻌﻠﯿﻢ ﺻﻔﺮ ﮨﻮﺗﯽ ﮨﮯ ﺍﻭﺭ ﺁﻣﺪﻧﯽ ﻣﺤﻨﺖ ﺳﮯ ﺯﺍﺋﺪ، ﮐﮩﻨﮯ ﻟﮕﮯ ﮐﮧ ﺍﯾﮏ ﻟﻄﯿﻔﮧ ﯾﺎﺩ ﺁﯾﺎ، ﺍﺟﺎﺯﺕ ﮨﻮ ﺗﻮ ﺳﻨﺎﺅﮞ ! ﻣﯿﮟ ﻧﮯ ﮐﮩﺎ : ﺟﯽ ﺿﺮﻭﺭ، ﮐﮩﻨﮯ ﻟﮕﮯ ﮐﮧ ﺍﯾﮏ ﺷﺨﺺ ﺯﻧﺎ ﻣﯿﮟ ﻣﻠﻮﺙ ﮨﻮﺍ، ﻧﺘﯿﺠﺘﺎً ﻋﻮﺭﺕ ﺣﺎﻣﻠﮧ ﮨﻮﮔﺌﯽ، ﻟﻮﮔﻮﮞ ﻧﮯ ﺯﺍﻧﯽ ﮐﺎ ﭘﺘﮧ ﭘﻮﭼﮭﺎ ﺗﻮ ﻧﺎﭼﺎﺭﻭﻧﺎﭼﺎﺭ ﻋﻮﺭﺕ ﮐﻮ ﺑﺘﺎﻧﺎ ﭘﮍﺍ، ﺯﺍﻧﯽ ﭘﮑﮍﺍ ﮔﯿﺎ ﺍﻭﺭ ﺍﺳﮯ ﺳﺰﺍ ﻣﻠﯽ، ﮐﺴﯽ ﺩﻭﺳﺖ ﻧﮯ ﺍﺱ ﺳﮯ ﭘﻮﭼﮭﺎ ﮐﮧ ﻧﻔﺲ ﮐﯽ ﺷﺮﺍﺭﺕ ﺳﮯ ﺍﮔﺮ ﺗﻮ ﻧﮯ ﺯﻧﺎ ﮐﺮ ﮨﯽ ﻟﯿﺎ ﺗﻮ " ﻋﺰﻝ " ﺳﮯ ﮐﺎﻡ ﻟﮯ ﻟﯿﺘﺎ ﺗﺎ ﮐﮧ ﻋﻮﺭﺕ ﮐﻮ ﻋﻠﻮﻕ ﮨﯽ ﻧﮧ ﮨﻮ ﺍﻭﺭ ﺗﻮ ﺑﭻ ﺟﺎﺗﺎ ! ﮐﮩﻨﮯ ﻟﮕﺎ ﮐﮧ ﻋﺰﻝ ﮐﯿﺴﮯ ﮐﺮﺗﺎ؟ ﻋﺰﻝ ﺗﻮ ﻣﮑﺮﻭﮦ ﮨﮯ - ﭨﮭﯿﮏ ﯾﮩﯽ ﺣﺎﻝ ﮨﻤﺎﺭﮮ ﺑﻌﺾ ﻋﻠﻤﺎ ﮐﺎ ﮨﮯ، ﺍﻟﭩﯽ ﺳﯿﺪﮬﯽ ﺭﺳﯿﺪﯾﮟ ﭼﮭﭙﺎ ﮐﺮ ﭼﻨﺪﮦ ﮐﺮﺗﮯ ﮨﯿﮟ، ﻓﺮﺿﯽ ﻣﺪﺍﺭﺱ ﮐﮯ ﻋﻨﻮﺍﻥ ﺳﮯ ﻣﺎﻝ ﮐﯽ ﻓﺮﺍﮨﻤﯽ ﮨﻮﺗﯽ ﮨﮯ، ﺩﯾﻦ ﮐﮯ ﻧﺎﻡ ﭘﺮ ﺍﭘﻨﮯ ﻣﮑﺎﻧﺎﺕ ﺗﻌﻤﯿﺮ ﮐﺮﺗﮯ ﮨﯿﮟ، ﺍﺳﺎﺗﺬﮦ ﮐﯽ ﺿﺮﻭﺭﯾﺎﺕ ﮐﺎ ﺧﯿﺎﻝ ﺑﺎﻟﮑﻞ ﻧﮩﯿﮟ ﺭﮐﮭﺘﮯ ﻣﮕﺮ ﺟﺐ ﺍﻥ ﺳﮯ ﮐﮩﺎ ﺟﺎﮮ ﮐﮧ ﻣﺪﺭﺳﮧ ﺑﻮﺭﮈ ﺳﮯ ﻣﻨﺴﻠﮏ ﮨﻮ ﺟﺎﺋﯿﮯ ! ﺗﻮ ﺑﮯ ﺗﮑﻠﻒ ﮐﮩﺘﮯ ﮨﯿﮟ ﮐﮧ ﺑﻮﺭﮈ ﮐﯽ ﺗﻨﺨﻮﺍﮦ ﻣﮑﺮﻭﮦ ﮨﮯ - ﺍﯾﮟ ﭼﮧ ﺑﻮﺍﻟﻌﺠﺒﯽ ﺳﺖ؟

*ﻟﮩﺬﺍ ﻣﺪﺍﺭﺱ ﻭﺍﻟﮯ ﺑﮭﯽ ﺗﻨﺨﻮﺍﮦ ﮐﺎ ﻣﻌﯿﺎﺭ ﺑﻠﻨﺪ ﮐﺮﯾﮟ*

ﮐﻮﺋﯽ ﻣﺎﻧﮯ ﯾﺎ ﻧﮧ ﻣﺎﻧﮯ، ﻭﻗﺖ ﺑﮩﺖ ﮐﭽﮫ ﺑﺪﻝ ﭼﮑﺎ، ﻣﺎﺩﯾﺖ ﮨﺮ ﺟﮕﮧ ﺍﭘﻨﮯ ﭘﺎﺅﮞ ﭘﺴﺎﺭ ﭼﮑﯽ ﮨﮯ، ﮔﺮﺍﻧﯽ ﺩﺭ ﮔﺮﺍﻧﯽ ﺳﮯ ﺣﺎﻻﺕ ﺩﮔﺮﮔﻮﮞ ﮨﯿﮟ - ﻭﻗﺖ ﮐﺎ ﺗﻘﺎﺿﺎ ﮨﮯ ﮐﮧ ﻣﺪﺍﺭﺱ ﺍﻭﺭ ﻣﺴ

ﺎﺟﺪ ﻭﺍﻟﮯ ﺑﮭﯽ ﺍﺳﺎﺗﺬﮦ ﺍﻭﺭ ﺍﺋﻤﮧ ﮐﯽ ﺗﻨﺨﻮﺍﮨﻮﮞ ﮐﺎ ﻣﻌﯿﺎﺭ ﺑﻠﻨﺪ ﺗﺮﯾﻦ ﮐﺮﯾﮟ - ﭘﭽﮭﻠﮯ ﺩﻭﺭ ﻣﯿﮟ ﺍﺧﺮﺍﺟﺎﺕ ﮐﻢ ﺗﮭﮯ،ﺍﺱ ﻟﯿﮯ ﭼﻞ ﺟﺎﺗﺎ ﺗﮭﺎ، ﺍﺏ ﺑﮍﮪ ﮔﺌﮯ ﮨﯿﮟ، ﮨﺮ ﺍﺳﺘﺎﺫ ﺍﻭﺭ ﺍﻣﺎﻡ ﺍﭘﻨﮯ ﺑﭽﻮﮞ ﮐﻮ ﻋﺼﺮﯼ ﻋﻠﻮﻡ ﺩﻻﻧﺎ ﭼﺎﮨﺘﮯ ﮨﯿﮟ، ﻋﺼﺮﯼ ﻋﻠﻮﻡ ﮐﯽ ﮔﺮﺍﻧﯽ ﮐﻮﻥ ﻧﮩﯿﮟ ﺟﺎﻧﺘﺎ، ﺩﺍﺧﻠﮯ ﮐﯽ ﻓﯿﺲ ﺍﺗﻨﯽ ﻣﮩﻨﮕﯽ ﮨﻮﺗﯽ ﮨﮯ ﮐﮧ ﮨﻮﺵ ﺍﮌ ﺟﺎﺋﯿﮟ، ﭘﮭﺮ ﮐﺘﺎﺑﻮﮞ ﮐﯽ ﺧﺮﯾﺪ، ﺍﻥ ﮐﮯ ﻣﺎﺳﻮﺍ ﺩﯾﮕﺮ ﺍﺧﺮﺍﺟﺎﺕ - ﺳﺎﻻﻧﮧ ﺣﺴﺎﺏ ﻟﮕﺎﺋﯿﮯ ﺗﻮ ﺍﺑﺘﺪﺍﺋﯽ ﺟﻤﺎﻋﺘﻮﮞ ﻣﯿﮟ ﮨﯽ ﺍﯾﮏ ﺑﭽﮯ ﭘﺮ ﺳﺎﭨﮫ ﮨﺰﺍﺭ ﺧﺮﭺ ﮨﻮ ﺟﺎﺗﮯ ﮨﯿﮟ، ﺍﮔﺮ ﻋﻠﻤﺎ ﻭ ﺍﺋﻤﮧ ﮐﯽ ﺗﻨﺨﻮﺍﮨﯿﮟ ﻭﮨﯽ ﭼﮫ ﮨﺰﺍﺭ ﮨﻮﮞ ﺍﻭﺭ ﺳﺎﭨﮫ ﮨﺰﺍﺭ ﺑﭽﮯ ﮐﯽ ﭘﮍﮬﺎﺋﯽ ﻣﯿﮟ ﭼﻠﮯ ﮔﺌﮯ ﺗﻮ ﮔﮭﺮ ﮐﮯ ﺩﯾﮕﺮ ﺍﺧﺮﺍﺟﺎﺕ ﮐﯽ ﺳﺒﯿﻞ ﮐﯿﺎ ﮨﻮﮔﯽ؟ ﺍﺱ ﭘﮩﻠﻮ ﭘﺮ ﮐﻮﻥ ﻏﻮﺭ ﮐﺮﮮ ﮔﺎ؟ ﻟﮩﺬﺍ ﻣﺪﺍﺭﺱ ﺍﻭﺭ ﻣﺴﺎﺟﺪ ﭘﺮ ﻻﺯﻡ ﮨﮯ ﮐﮧ ﺍﺳﺎﺗﺬﮦ ﺍﻭﺭ ﺍﺋﻤﮧ ﮐﯽ ﺗﻨﺨﻮﺍﮨﯿﮟ ﺑﮍﮬﺎﺋﯿﮟ، ﺍﻟﺤﻤﺪﻟﻠﮧ ﮨﻤﺎﺭﮮ ﺩﯾﻮﺑﻨﺪ ﻣﯿﮟ ﺗﻨﺨﻮﺍﮨﯿﮟ ﻣﻌﻘﻮﻝ ﮨﯿﮟ، ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﺳﻤﯿﺖ ﺗﻘﺮﯾﺒﺎً ﺗﻤﺎﻡ ﮨﯽ ﺑﮍﮮ ﺍﺩﺍﺭﮮ ﺍﭘﻨﮯ ﺍﺳﺎﺗﺬﮦ ﮐﯽ ﺿﺮﻭﺭﯾﺎﺕ ﮐﺎ ﺧﯿﺎﻝ ﺭﮐﮭﺘﮯ ﮨﯿﮟ، ﻣﮕﺮ ﺑﯿﺸﺘﺮ ﻣﻠﮏ ﮐﮯ ﺩﯾﮕﺮ ﻣﺪﺍﺭﺱ ﻣﯿﮟ ﺗﻨﺨﻮﺍﮦ ﮐﮯ ﺗﺌﯿﮟ ﭘﺮﺍﻧﯽ ﺭﻭﺍﯾﺘﯿﮟ ﺍﺏ ﺑﮭﯽ ﺑﺮﻗﺮﺍﺭ ﮨﯿﮟ، ﻭﮨﺎﮞ ﺍﺏ ﺑﮭﯽ ﻭﮨﯽ ﭼﺎﺭ، ﭘﺎﻧﭻ ﺍﻭﺭ ﭼﮫ ﮨﺰﺍﺭ ﮐﻮ ﺑﯿﺲ ﮨﺰﺍﺭ ﮐﺎ ﻣﺴﺎﻭﯼ ﺳﻤﺠﮭﺎ ﺟﺎﺗﺎ ﮨﮯ ﺍﻭﺭ ﺑﺮﮐﺖ ﺑﺮﮐﺖ ﮐﯽ ﺭﭦ ﻟﮕﺎ ﮐﺮ ﺍﺳﺎﺗﺬﮦ ﮐﯽ ﺩﻝ ﺷﮑﻨﯽ ﮐﯽ ﺟﺎﺗﯽ ﮨﮯ، ﮐﺎﻡ ﺧﻮﺏ ﻟﯿﺘﮯ ﮨﯿﮟ ﺍﻭﺭ ﺗﻨﺨﻮﺍﮦ ﻭﮨﯽ ﮔﺌﯽ ﮔﺰﺭﯼ ﺍﻭﺭ ﭘﮋﻣﺮﺩﮦ - ﺁﺝ ﮐﮯ ﻣﺎﺣﻮﻝ ﻣﯿﮟ ﺗﻨﺨﻮﺍﮦ ﮐﯽ ﺷﺮﻭﻋﺎﺕ ﭘﻨﺪﺭﮦ ﮨﺰﺍﺭ ﺳﮯ ﮨﻮﻧﯽ ﭼﺎﮨﯿﮯ، ﭘﮭﺮ ﺩﺭﺟﮧ ﺑﺪﺭﺟﮧ ﻣﺰﯾﺪ ﺍﻭﺭ ﻣﺰﯾﺪﺗﺮ - ﺍﺱ ﺳﮯ ﻧﯿﭽﮯ ﮐﯽ ﺗﻨﺨﻮﺍﮦ ﮐﻮ ﺗﻨﺨﻮﺍﮦ ﮐﮩﻨﺎ ﻋﻠﻢ ﺩﯾﻦ ﮐﯽ ﺗﻮﮨﯿﻦ ﮨﮯ - ﻣﺸﮩﻮﺭ ﻣﺤﺪﺙ ﺳﻔﯿﺎﻥ ﺛﻮﺭﯼ ﻓﺮﻣﺎﺗﮯ ﮨﯿﮟ :

ﺍﮔﺮ ﻋﻠﻤﺎ ﮐﮯ ﭘﺎﺱ ﺩﻭﻟﺖ ﻧﮧ ﮨﻮ ﺗﻮ ﺩﻧﯿﺎ ﺩﺍﺭ ﻟﻮﮒ ﻋﻠﻤﺎ ﮐﻮ ﺭﻭﻣﺎﻝ ﺑﻨﺎﻟﯿﺘﮯ ﮨﯿﮟ، ﺟﺴﮯ ﺍﺳﺘﻌﻤﺎﻝ ﮐﺮ ﮐﮯ ﭘﮭﯿﻨﮏ ﺩﯾﺎ ﺟﺎﺗﺎ ﮨﮯ -

*ﻣﺪﺍﺭﺱ ﮐﺎ ﻧﻈﺎﻡ ﺍﻟﻠﮧ ﭼﻼﺗﺎ ﮨﮯ*

ﺟﻮ ﺷﮯ ﺯﯾﺎﺩﮦ ﺍﺳﺘﻌﻤﺎﻝ ﮨﻮﺗﯽ ﮨﮯ ﻭﮦ ﺯﯾﺎﺩﮦ ﺑﮍﮬﺘﯽ ﮨﮯ، ﺗﻨﺨﻮﺍﮨﯿﮟ ﺑﮍﮬﺎﺋﯿﮟ ﮔﮯ ﺗﻮ ﻣﺪﺭﺳﮯ ﮐﯽ ﺁﻣﺪﻧﯽ ﻣﯿﮟ ﻣﺰﯾﺪ ﺍﺿﺎﻓﮧ ﮨﻮﮔﺎ، ﺟﻮ ﻟﻮﮒ ﯾﮧ ﺳﻤﺠﮭﺘﮯ ﮨﯿﮟ ﮐﮧ ﺗﻨﺨﻮﺍﮦ ﮐﺲ ﺑﻨﯿﺎﺩ ﭘﺮ ﺑﮍﮬﺎﺋﯽ ﺟﺎﮮ، ﺍﺩﺍﺭﮮ ﮐﺎ ﺳﺎﻻﻧﮧ ﺑﺠﭧ ﺍﺱ ﮐﯽ ﺍﺟﺎﺯﺕ ﻧﮩﯿﮟ ﺩﯾﺘﺎ، ﺍﻥ ﮐﯽ ﻓﮑﺮ ﮐﺎ ﻗﺒﻠﮧ ﺩﺭﺳﺖ ﻧﮩﯿﮟ ﮨﮯ - ﻗﻮﻡ ﺩﯾﻨﮯ ﮐﻮ ﺗﯿﺎﺭ ﮨﮯ، ﺁﭖ ﺗﻨﺨﻮﺍﮨﯿﮟ ﺑﮍﮬﺎﺋﯿﮯ،ﭘﮭﺮ ﺩﯾﮑﮭﯿﮯ : ﺧﻮﺵ ﺩﻝ ﺍﺳﺎﺗﺬﮦ ﺍﭘﻨﯽ ﺧﺪﻣﺎﺕ ﮐﺲ ﻃﺮﺡ ﭘﯿﺶ ﮐﺮﺗﮯ ﮨﯿﮟ ! ﺩﺍﺭﺍﻟﻌﻠﻮﻡ ﮐﮯ ﺭﺍﺑﻄۂ ﻣﺪﺍﺭﺱ ﺍﺟﻼﺱ ﻣﯿﮟ ﺑﺎﺭ ﺑﺎﺭ ﺍﺱ ﻣﻮﺿﻮﻉ ﮐﻮ ﺍﺳﺎﺗﺬۂ ﺩﺍﺭﺍﻟﻌﻠﻮﻡ ﻧﮯ ﺍﭨﮭﺎﯾﺎ، ﻣﮕﺮ ﺍﺱ ﻣﻮﺿﻮﻉ ﭘﺮ ﺳﻨﺠﯿﺪﮦ ﻧﻈﺮ ﺷﺎﯾﺪ ﮈﺍﻟﻨﺎ ﻧﮩﯿﮟ ﭼﺎﮨﺘﮯ - ﺍﻟﻠﮧ ﺟﺎﻧﮯ ﮐﯿﻮﮞ؟